+21 °С
Болотло
Иҡтисад
22 Июнь 2021, 10:45
Хаҡты арттырмаҫ өсөн
Был икмәккә һәм икмәк-булка изделиеларына хаҡты тотоп тороу өсөн эшләнгән.
21 июндә Башҡортостан Хөкүмәте Президиумы кәңәшмәһендә “Башҡортостан Республикаһында ауыл хужалығы үҫеше һәм ауыл хужалығы продукцияһы, сеймал һәм аҙыҡ-түлек баҙарҙарын көйләү” дәүләт программаһына үҙгәрештәр индерелде.
Башҡортостан Хөкүмәте Премьер-министры урынбаҫары – ауыл хужалығы министры Илшат Фәзрахманов илдең аҙыҡ-түлек баҙарындағы хәлде тотороҡландырыу өсөн икмәк бешереү сәнғәтенә ярҙам итеү тураһында ҡарар ҡабул ителеүе тураһында һөйләне. Был икмәккә һәм икмәк-булка изделиеларына хаҡты тотоп тороу өсөн эшләнгән.
– Республика етештереүселәре он етештереүселәргә аҙыҡ-түлек бойҙайын һатып алыу, икмәк бешереү сәнәғәте предприятиеларына етештерелгән һәм һатылған икмәк һәм икмәк-булка изделиеларын етештереү, һатыу өсөн компенсация биреү йәһәтенән Рәсәй Хөкүмәтенең резерв фондынан дәүләт ярҙамы сараларының яңы төрҙәренә дәғүә итә ала, - тине вице-премьер. – Был дәүләт ярҙамын алыуға республиканың Ауыл хужалығы министрлығына 50 ғариза килде.
Бынан тыш, мелиорация үҫеше һәм ауыл хужалығы тоҡомло йәш малдарҙы һатып алыу йәһәтенән сығымдарҙы компенсациялау хаҡында ла һөйләшеү булды.
Фото: pravitelstvorb.ru
