"АВТОВАЗ" электромобилдәр сығара башлаясаҡ

Билдәле булыуынса, был завод “Renault” төркөмөнә инә, ә ул төркөм – электромобилдәр сығарыу буйынса донъя лидерҙарының береһе. "АВТОВАЗ"дың был йүнәлештәге үҙ проекттары ла бар – “Lada Ellada” (фотола) һәм “Lada Vesta EV” электромобилдәре.

Электромобиль менән файҙаланыу отошломо? Ыңғай яҡтары: уға яғыулыҡ һәм хеҙмәтләндереү хаҡтары ғәҙәттәге автомобилдәр менән сағыштырғанда күпкә аҙыраҡ (сама менән ун тапҡырға), уның ватылып ултырыу осраҡтары ла һирәгерәк (сөнки деталдәре аҙ), транспорт һалымы һәм туҡталҡалар өсөн түләү буйынса ташламалар бар, хәүефһеҙерәк (алда ауыр двигатель ултырмағанлыҡтан, авария мәлендә имгәнеү хәүефе аҙыраҡ), тауыш кимәле күпкә түбәнерәк һәм, ниһайәт, тирә-яҡ мөхиткә зыяны юҡ тип әйтерлек. Етешһеҙлектәре: ғәҙәти автомобилдә автозаправкала тиҙ генә бензин тултырып елдереп сығып китергә мөмкин булһа, электромобилдең аккумуляторын зарадкаляау өсөн оҙаҡ ваҡыт талап ителә (80 процент зарядкаға еткереү өсөн дә 40 минут кәрәк), бындай автомобилдәрҙе зарядкалаку өсөн станциялар беҙҙең илдә бик аҙ, ҡыш көнө йөрөү запасы аҙая – салонды һәм ултырғыстарҙы йылытыу өсөн электр энергияһы талап ителгәнлектән, аккумуляторҙың көсө тиҙ кәмей.

Фото: yandex.ru.