Төҙөүселәр ҙә ғариза биреү мөмкинлегенә эйә

Башҡортостанда төҙөлөш менән шөғөлләнгән эре компаниялар өлөшсөләрҙең милеккә хоҡуҡтарын яҡлап яңы һалынған йорттарҙа уларҙың хоҡуҡтарын теркәү буйынса ғаризалар биреүҙе әүҙемләштерәсәк. Был хаҡта төҙөлөш компаниялары һәм урындағы Росреестр белгестәре килешеү төҙөнө. Быға тиклем бындай ғаризалар бик аҙ булған тип билдәләй белгестәр.

• Былтыр йәй башында яңы төҙөлгән йорттарҙағы фатирға хоҡуҡтарҙы теркәү процессы еңелләштерелде. Өлөшсөләргә төҙөлөш компанияһы улар исеменән Росреестрға документтарҙы тапшырһын өсөн нотариустан ышаныс ҡағыҙы алып йөрөргә кәрәкмәй. Был алым фатирҙы теркәү процедураһын ике тапҡырға ҡыҫҡартырға ярҙам итте. Хәҙер төҙөүсе ойошма фатирҙы кадастр иҫәбенә ҡуйыр өсөн документтарҙы үҙе тапшыра. Фатир хужаһы иһә асҡыстарҙы һәм әҙер документтарҙы ғына килеп ала ала, - ти Росреестр идаралығы етәксеһе урынбаҫары Марина Мартынова.

Тағы ла кәңәшмә барышында Росреестр хеҙмәттәре менән электрон рәүештә файҙаланыуға өҫтөнлөк биреү тураһында һүҙ барҙы. Төҙөлөш компаниялары электрон рәүештә документтар тапшырған осраҡта уларҙы ни бары 2 – 3 көн эсендә генә ҡараясаҡтар. Әлеге мәлдә тапшырылған документтарҙың 60 проценты ғына электрон форматта килә икән.

сығанаҡ: https://pravitelstvorb.ru/ru/press-office/news.php?ELEMENT_ID=52308#group-main