Инвесторҙар менән эш яҡшы ҡуйылған

Бөгөн республика Башлығы Радий Хәбиров социаль селтәрҙәге сәхифәһендә түбәндәгеләр хаҡында белдерҙе.

“Благовещенда – иң уңышлы йылдам социаль-иҡтисади үҫеш биләмәләренең береһе. Ҙур предприятиелар, инвестициялар, өҫтәмә эш урындары. Бында инвесторҙар менән эш яҡшы ҡуйылған.

Йылдам социаль-иҡтисади үҫеш резиденты статусы предприятиеларға һиҙелерлек өҫтөнлөктәр бирә – кәметелгән һалым, страховка иғәнәләренең аҙайтылыуы, ябайлаштырылған административ процедуралар, дәүләт милкен ҡуртымға алғанда ташламалы шарттар. Шуға инвесторҙар һеҙгә ҙур теләк менән килә.

Благовещендағы уңышлы йылдам социаль-иҡтисади үҫеш биләмәһендә дөйөм инвестициялар күләме 15,6 миллиард һум тәшкил иткән һәм яңы 1529 эш урыны булған 18 резидент теркәлгән. Өс предприятие үҙ производствоһын асҡан – был декоратив металл конструкциялары етештергән “Аркстал”, МАФтар етештергән “Проспект”, тегеү буйынса “Игнис”.

Һигеҙ предприятие планлаштырылған 6,3 миллиард һумлыҡ инвестициялар күләмле йылдам социаль-иҡтисади үҫеш биләмәһенә индерелгән. Был тағы 418 яңы эш урыны барлыҡҡа килтерә. Улар араһында Благовещен мобиль клонструкциялар һәм нефть сәнәғәте өсөн үлсәү ҡоролмалары етештергән  “Уралтехнострой-Автоматлаштырылған системалар” заводтары. Иң ҙур резидент – борсаҡты эшкәртеү менән шөғөлләнгән “ТавроЭкоПульс” заводы”, - тип яҙҙы Радий Хәбиров.

Фото: glavarb.ru