Араларҙа хеҙмәттәшлек даирәһе киңәйә

23-сө “Алтын көҙ-2021” Рәсәй агросәнәғәт күргәҙмәһе барышында Башҡортостан Хөкүмәте Премьер-министры урынбаҫары – ауыл хужалығы министры Илшат Фәзрахманов байтаҡ эшлекле осрашыу үткәрҙе, һөҙөмтәлә тармаҡтың төрлө йүнәлешендә килешеүҙәргә нигеҙ һалынды.

Мәҫәлән, Башҡортостан стендында Белорусияның ауыл хужалығы министры Иван Крупко менән Илшат Фәзрахманов хеҙмәттәшлек даирәләрен киңәйтеү тураһында һөйләште. Шулай уҡ Петербург трактор заводы директоры Сергей Серябряков, агросәнәғәт комплексын һанлаштырыу буйынса эшлекле тәҡдимдәр менән сығыш яһаған ЭР-Телеком компанияһы вәкилдәре менән һөҙөмтәле аралашыу булды.

Бөгөн форум үҙ эшен дауам итә, Башҡортостан делегацияһын бай программа көтә.

Һылтанма: https://pravitelstvorb.ru/ru/press-office/news.php?ELEMENT_ID=52943

Фото: Башҡортостан Хөкүмәте сайты.