Магазинда иҫкергән ризыҡ һатып алһағыҙ...

Башҡортостан Республикаһының Сауҙа һәм хеҙмәт министрлығы «Асыҡ сифат» мәғлүмәт-аналитика порталын сафҡа индерҙе, ул төбәктең ҡулланыусылар баҙарында һатылған сифатлы һәм хәүефһеҙ тауарҙар (эштәр, хеҙмәттәр) һатып алыу буйынса ҡулланыусылар хоҡуҡтарын үтәүгә йәмәғәт контроле системаһын булдырыуға йүнәлтелгән. 

— Беҙҙең республикала ҡулланыусылар хоҡуҡтарын яҡлау механизмдарының һөҙөмтәлелеген күтәреү маҡсатында Башҡортостандың Сауҙа һәм хеҙмәт министрлығы ҡануниәтте өйрәнеүҙәге бушлыҡтарҙы тултырырға, һуңғы яңылыҡтар менән танышырға, республиканың ҡулланыусылар баҙарында һатылған тауарҙарҙың сифаты тураһында белергә мөмкинлек биргән онлайн-порталдар эшләй, — тине министр Алексей Гусев. — Порталда тауарҙарҙың төрлө төркөмдәре буйынса лаборатор тикшеренеүҙәр һөҙөмтәләре тураһында мәғлүмәт тупланған, унда продукцияның сифаты һәм хәүефһеҙлеге, ГОСТ талаптарына һәм стандарттарына ярашлылығы, шулай уҡ алынған һөҙөмтәләргә ҡарап продукцияны шартлы төркөмдәргә бүлеү тураһында мәғлүмәт тупланған. Продукцияны тикшереү «Һынау үҙәге» дәүләт унитар ойошмаһының аккредитацияланған лабораторияһында — Министрлыҡҡа ҡараған структурала алып барыла. 

Бынан тыш, портал аҙыҡ-түлектең сифаты һәм хәүефһеҙлеге өлкәһендә ғәмәлдәге норматив-хоҡуҡи акттар, дәүләт власы органдарының ҡыҙыу линияларының телефондары менән таныштыра.

«Асыҡ сифат» мәғлүмәт-аналитик порталы материалдары менән https://kachestvorb.ru/

һылтанмаһы буйынса танышырға мөмкин. Уны ҡушымта сифатында ла күсереп алырға була.

Шулай уҡ министрлыҡтың ҡулланыусылар хоҡуҡтарын яҡлау буйынса интернет-порталы эшләй https://portalzpp02.ru/.

Көн һайын сайтта ҡулланыусылар хоҡуҡтарын яҡлау өлкәһендә көнүҙәк яңылыҡтар, ҡыҙыҡлы видеояҙмалар һәм ошо өлкәләге власть органдары һәм йәмәғәт ойошмалары вәкилдәре менән әңгәмәләр ҡуйыла.

Сығанаҡ: https://pravitelstvorb.ru/ru/press-office/news.php?ELEMENT_ID=53524

Фото: Башҡортостандың Сауҙа һәм хеҙмәт министрлығы сайтынан алынды.