Бөгөн Хөкүмәттә үткән оператив кәңәшмәлә Башҡортостан Башлығы Радий Хәбиров 2021 йылдың туғыҙ айы буйынса төп социаль-иҡтисади үҫеш күрһәткестәре менән таныштырҙы.
Сәнәғәт етештереүе индексы ғинуар - октябрь айында 104,5 процент тәшкил иткән. Дарыу, ҡағыҙ, йыһаздар, металл әйберҙәр, автотранспорт саралары етештереү кеүек йүнәлештәр юғары үҫеш темпы күрһәткән.
Торлаҡты сафҡа индереү буйынса ла төбәктә ыңғай динамика күҙәтелә: үҫеш - 22,1 процент.
– Республикала алданған өлөшсөләр менән эш ыңғай бара. Быйыл уларҙың өс меңдән ашыуының хоҡуғын тергеҙә алдыҡ. Ошондай темп менән барһаҡ, 2024 йылға тиклем Владимир Путиндың йөкләмәләрен хәл итәсәкбеҙ, – тине Радий Хәбиров.
Шулай уҡ төбәк етәксеһе белдереүенсә, туғыҙ ай эсендә иҡтисадҡа инвестициялар күләме индексы 103,6 процент тәшкил иткән.
– Беҙҙә инвестиция эшмәкәрлегенә бәйле бер ни тиклем хәүеф бар ине, тик эш һөҙөмтәһе шуны күрһәтә: 2021 йылды уңышлы тамамлаясаҡбыҙ, – тине Радий Фәрит улы.
Фото: Башҡортостан Башлығы сайты.