Рәсәйҙә тиңе юҡ

Бөгөн Башҡортостан Башлығы Радий Хәбиров менән Рәсәй экспорт үҙәге генераль директоры Вероника Никишина “Өфө” индустриаль паркындағы 20 мең квадрат метрлыҡ етештереү комплексының эшенә старт бирҙе.

Уның тәүге резиденты – “Артагро” сауҙа йорто” йәмғиәте. Был ойошма ауыл хужалығы объекттары төҙөү һәм реконструкциялау менән шөғөлләнә, уның Рәсәйҙә тиңе юҡ.

- ”Артагро” коллективын яңы етештереү урыны асылыу менән ҡотлайым, – тине Радий Хәбиров. – Беҙ республикала бизнесҡа ярҙам итеүҙең йоғонтоло инструменттарын булдырабыҙ. Шул иҫәптән яңы етештереү майҙандары асабыҙ. Индустриаль парктарҙың 90 проценты биләп алынған да инде.

Беренсе вице-премьер - иҡтисади үҫеш һәм инвестиция сәйәсәте министры Рөстәм Моратов билдәләүенсә, комплексты 2020 йылда төҙөй башлағандар.

“Бында дөйөм инвестиция күләме 600 миллион һум булған ете компания-резидент эшләйәсәк”, – тине ул.

Етештереү комплексына старт биргәндән һуң Радий Хәбиров менән Вероника Никишина республика Инвестиция комитетының “Инвестиция сәғәте” форматындағы 100-сө ултырышында ҡатнашты.

Фото: Башҡортостан Башлығы сайты.