Килешеүҙәр системаһы тураһында семинар үтәсәк

Башҡортостандың Финанс министрлығынан хәбәр итеүҙәренсә, 4 февралдә Өҫтәмә белем биреү буйынса федераль академия Рәсәй Федерацияһының 2022 йылдың 1 ғинуарынан көсөнә ингән контракт системаһы тураһындағы ҡануниәтендәге үҙгәрештәр хаҡында бушлай онлайн-семинар үткәрә.

“Онлайн-семинарҙа ҡатнашыу – белемде актуалләштереү һәм инвестиция грамоталылығын күтәреү өсөн бик һәйбәт мөмкинлек”, тип аңлаталар Финанс министрлығында.

Семинар контракт системаһы сауҙалашыуында ҡатнашҡан эшҡыуарҙарға һәм ойошмаларға файҙалы буласаҡ. Программаға түбәндәгеләр инә:

1. 2022 йылдың 1 ғинуарынан көсөнә ингән контракт системаһы тураһындағы ҡануниәтендәге үҙгәрештәргә күҙәтеү.
2. Дәүләт һатып алыуҙары системаһындағы үҙгәрештәр.
3. Конкурентлы һатып алыуҙар ҡағиҙәләрендәге үҙгәрештәр.
4. Һатып алыуҙар документтарын әҙерләгәндә һәм килешеүҙәр буйынса эшләгәндә заказсыларҙың яңырыуы һәм эшмәкәрлеге.
5. Урта һәм бәләкәй эшҡыуарлыҡ предприятиелары өсөн өҫтөнлөктәр һәм үҙенсәлектәр.

Фото: pravitelstvorb.ru