Бөтә яңылыҡтар
Иҡтисад
2 Март 2022, 20:30

Яҙғы сәсеү эштәренә – яңы техника

Һуңғы ике йылда 1057 берәмек ауыл хужалығы техникаһы һатып алынған.

Яҙғы сәсеү эштәренә – яңы техника
Яҙғы сәсеү эштәренә – яңы техника

Башҡортостандың ауыл хужалығы етештереүселәре "Розагролизинг" дәүләт компанияһының ташламалы программалары ярҙамында техник паркты яңыртыуҙы дауам итә. 2022 йыл башынан 290 миллион һумлыҡ 55 берәмек техника алыуға өлгәшелгән.

– Ауыл хужалығы менән шөғөлләнгән ойошмаларҙың техник паркын яңыртыу өсөн ташламалы лизинг программаһынан файҙалана алыу мөмкинлеге булыуы ҡыуандыра, – ти Башҡортостан Хөкүмәте Премьер-министры урынбаҫары – ауыл хужалығы министры Илшат Фәзрахманов. — Хәҙер, сәсеү алдынан, ауыл хужалығы предприятиеларындағы һәр һумды иҫәпләгәндә, ҙур сығым түкмәйенсә техник паркты тиҙ арала яңыртыу - заман талабы.

Башҡортостан аграрийҙары 2019 йылдан 2021 йылға тиклем "Росагролизинг" дәүләт компанияһының ташламалы шарттарынан файҙаланып, 1057 берәмек ауыл хужалығы техникаһы һатып алған. 2022 йылда республиканың ауыл хужалығы етештереүселәре "Розагролизинг"ка 1,4 миллиард һум күләмендә 142 ғариза биргән.
"Розагролизинг"тың 2022 йылдың көҙөнә тиклем ғәмәлдә булған ташламалы программаһы йылына өс проценттан һигеҙ йылға тиклем техника һатып алырға мөмкинлек бирә, төп бурысты 1 сентябргә тиклем кисектереп торалар һәм аванс алмайҙар.

Ҡорамалдар һәм техника һатып алғандан һуң, улар агросәнәжет комплексының техник паркын яңыртыу буйынса республика программаһы нигеҙендә сығымдарҙың 50 процентына тиклем компенсация түләй ала.

Фото: Ауыл хужалығы министрлығы.

Автор:Лилия Нуретдинова
Читайте нас в