Башҡортостан
-15 °С
Болотло
VKOKРУС
Бөтә яңылыҡтар
Иҡтисад
27 Апрель , 09:30

“Ҡыҙғылт-һары төҫтәге яңы жилет кейгән тимер юлсыны күрһәгеҙ...”

“Аркада” компанияһының тегеү цехтары нисек эшләй?

“Ҡыҙғылт-һары төҫтәге яңы жилет кейгән тимер юлсыны күрһәгеҙ...”
“Ҡыҙғылт-һары төҫтәге яңы жилет кейгән тимер юлсыны күрһәгеҙ...”

Башҡортостан Башлығы Радий Хәбиров социаль селтәрҙәге сәхифәһендә “Аркада” компанияһының тегеү цехтарының эше тураһында яҙып сыҡты.

“Алға” махсус иҡтисади зонаһы резиденттарының береһе булған “Аркада” компанияһының тегеү цехтарынан тиҙҙән ҙур заказ – “Рәсәй тимер юлдары” өсөн 53 мең жилет оҙатыла. Шуға күрә ҡыҙғылт-һары төҫтәге яңы жилет кейгән тимер юлсыны күрһәгеҙ – белегеҙ, был махсус кейем беҙҙә, Ишембай районында тегелгән.

Сиратта – “Рәсәй тимер юлдары” хеҙмәткәрҙәре өсөн ҡышҡы махсус кейем, уны бында беренсе тапҡыр тегәсәктәр. Артабан эшҡыуарҙар бирсәткә етештереү цехын асырға ниәтләй. Хеҙмәткәрҙәр өсөн “Аркада”ла яҡшы шарттар булдырылған – яҡшы ҡорамалдар (бының менән һәр тегеү фабрикаһы ла маҡтана алмай), бушлай туҡланыу, дөйөм ятаҡ. Шул уҡ ваҡытта бер проблема бар – эшсе ҡулдар етешмәй.

Ошоларҙы күрһәң, башҡарған эштең юҡҡа түгеллеген,һөҙөмтәләрҙең, алға табан хәрәкәттең булыуын аңлайһың. Махсус иҡтисади зона резиденты статусы үҫергә, киләсәк тураһында тыныс ҡына уйланырға мөмкинлек бирә”, – тип яҙған Радий Хәбиров.

Фото: vk.com/radiyhabirov

Сығанаҡ: vk.com/radiyhabirov

 

Автор:Лилия Давлетбакова
Читайте нас в