Башҡортостан
-11 °С
Болотло
VKOKРУС
Бөтә яңылыҡтар
Иҡтисад
25 Май , 18:15

Газ һәм нефть тармаҡтары ике яҡ өсөн дә ҡыҙыҡ

Башҡортостандың Үзбәкстанда эшләүен арттырыу, инвестициялар йәлеп итеү, тышҡы сауҙа әйләнешен арттырыу өсөн Рәсәйҙең Үзбәкстан Республикаһындағы Сауҙа вәкиллегендә Башҡортостан вәкиле офисы ла асылды.

Газ һәм нефть тармаҡтары ике яҡ өсөн дә ҡыҙыҡ
Газ һәм нефть тармаҡтары ике яҡ өсөн дә ҡыҙыҡ

Кисә кис Башҡортостан юлдаш телеканалында брифинг булды һәм унда республика делегацияһының Үзбәкстанға эш сәфәре һөҙөмтәләре ҡаралды. Беренсе вице-премьер Рөстәм Моратов нефть һәм газ тармағында Үзбәкстан менән берлектә бер нисә проект ҡаралды ла тине.

– Әлеге ваҡытта Благовещенда инвестиция проекты тормошҡа ашырыла ла. Бизнес-миссияла тап ошо тармаҡтан предприятиелар күп булды. Был НИПИ ПКГАЗ компанияһы, улар Үзбәкстандың “O‘ZLITINEFTGAZ” проект институты менән газ эшкәртеүсе предприятие булдырыу тураһында килешеү төҙөнө. "Русхим" компанияһы Үзбәкстан биләмәһендә тау-металлургия сәнәғәте өсөн октан күтәреүсе присадкалар һәм иреткестәр етештереү буйынса килешеүгә ҡул ҡуйҙы. Шуныһын билдәләйем, Үзбәкстан газ тармағында бик алға киткән. Беҙ иһә нефть тармағында күпте беләбеҙ, – тине ул.

Башҡортостандың Үзбәкстанда эшләүен арттырыу, инвестициялар йәлеп итеү, тышҡы сауҙа әйләнешен арттырыу өсөн Рәсәйҙең Үзбәкстан Республикаһындағы Сауҙа вәкиллегендә Башҡортостан вәкиле офисы ла асылды.

– Төркиә, Белоруссия, Ҡаҙағстанда файҙаланылған иң яҡшы практикаларҙы яңы вәкил эшмәкәрлегенә лә индерәсәкбеҙ, – тине Рөстәм Моратов.

Фото: Хөкүмәт сайты. 

Автор:Альфия Мингалиева
Читайте нас в