Тоннель бер айға иртәрәк асылды

Өфөнән Көнсығыштан сығыу юлының төньяҡ тоннеле тулыһынса асылған. Был турала Башҡортостан Хөкүмәте Премьер-министры урынбаҫары Рәйеф Әбдрәхимов белдерҙе.

"Төҙөүселәрҙе төҙөлөштөң сираттағы этабын тамамлауҙары менән ҡотлайым, – тине Рәйеф Әбдрәхимов. – Ғөмүмән, эш пландағыға ҡарағанда күпкә алда бара, шул иҫәптән тоннелде яһау ҙа беҙ күҙаллағандан иртәрәк -  бер ай алдан бойомға ашырылды".

Хәҙер төньяҡ тоннель көнбайыш порталдан (Салауат Юлаев проспектында) алып көнсығыш яҡҡа (Өфө йылғаһы ярҙары) тиклем тулыһынса асылды.

Фото: Башҡортостан Хөкүмәте сайты.