Юлдар тиҙерәк ипкә килтереләсәк

8 июндә Башҡортостан Башлығы Радий Хәбиров Луганск Халыҡ Республикаһында асфальт заводы эшенә старт бирҙе. Уны гуманитар колонна составында килтергәйнеләр һәм Красный Луч ҡалаһында монтажлағайнылар. Етештереү ҡеүәте сәғәтенә  60 тонна асфальт булған технологик комплексты Өфөнән 20 майҙа ебәргәйнеләр. Бынан тыш, “Башкиравтодор” йәмғиәтенән 25 хеҙмәткәр килгәйне. Улар урындағы юлдарҙы тергеҙеүҙә ҡатнаша. Улар юлдарҙы тергеҙергә ярҙам итә.

Башҡортостан Башлығы Радий Хәбиров ҡалала йәшәүселәрҙе юл инфраструктураһын масштаблы модернизациялауҙың башланыуы менән ҡотланы. Йәй буйына яңы комплекс Красный Лучтағы 170 километр юл япмаһын асфальт менән йәйеүе тәьмин итәск.

- Хәҙер ремонт эштәре тиҙерәк барасаҡ – бөгөн Башҡортостандан килтерелгән асфальт заводын эшкә ебәрҙек. Уны монтажлағанда, белгестәребеҙ соҡорҙарҙы ремонтлау менән мәшғүл булды, - тине Радий Хәбиров. – Заводтың эш башлауы менән ҡәнәғәтмен. Ҡалаға юлдарҙы ипкә килтереү өсөн күп асфальт кәрәк.

Республика етәксеһе тергеҙеү эше менән булышҡан юлсылар менән аралашты. Радий Хәбиров уларға фиҙакәр хеҙмәте өсөн рәхмәт белдерҙе.

Башҡортостан Башлығы Красный Лучта 12 июндә, Рәсәй көнөндә, асыу планлаштырылған балалар майҙансығында булды. Ундағы эштәрҙе Башҡортостан төҙөүселәре алып бара. Әле улар майҙансыҡтың нигеҙен эшләүҙе тамамлау өҫтөндә, аҙаҡ унда уйын ҡоролмалары һәм тренажерҙар ҡуйыласаҡ.

- Балалар барлыҡ буш ваҡытын яңы майҙансыҡта ҙур кинәнес менән үткәрә. Балаларыбыҙ бында уйнағаны һәм ҡыуанғаны өсөн ҙур рәхмәт Һеҙгә, – тип Радий Хәбировҡа рәхмәтен белдерҙе урында йәшәүсе ҡатын. – Беҙ Башҡортостанға ярҙам иткәне өсөн сикһеҙ рәхмәтлебеҙ.

Фото: glavarb.ru