Башҡортостан – сәнәғәте үҫешкән уникаль республика

“Башҡортостан – уникаль республика, унда мин күп тапҡырҙар булдым, барлыҡ район һәм ҡалаларын тиерлек күреүем менән ғорурланам”, - тип Петербург иҡтисади форумы майҙансығында республиканың стендын һәм экспозицияһын ҡарағандан һуң КПРФ етәксеһе, Дәүләт Думаһы депутаты Геннадий Зюганов фекере менән бүлеште.

Башҡортостан Башлығы Радий Хәбиров КПРФ лидерын төрлө тармаҡтағы төп проекттар, шул иҫәптән Өфөнөң 450 йыллығына арналған юбилей төҙөлөштәре, донъя кимәлендәге Евразия ғилми-белем биреү үҙәгенең вуз-ара студенттар кампусы проекты менән таныштырҙы.

 Фото: Башинформ.