Радий Хәбиров шатлығын уртаҡлашты

Башҡортостан Башлығы Радий Хәбиров халыҡ-ара иҡтисади форумдан һуң ҡәнәғәтлеген йәшермәне.

"Петербург форумында иғлан ителгән Стратегик башланғыстар агентлығы рейтингы һөҙөмтәләре беҙҙең республикала лайыҡлы инвестиция мөхите булдырыу йүнәлешенең дөрөҫ булыуын тағы бер тапҡыр раҫланы.

Рейтингта бишенсе урын алыуыбыҙҙы беҙҙең идара итеү командаһының оло ҡаҙанышы тип баһалайым. Беҙ бәләкәй һәм урта эшҡыуарлыҡ өсөн ярҙам сараларын артабан да үҫтерәсәкбеҙ, инвестиция проекттарын күбәйтәсәкбеҙ, заманса инфраструктура булдырасаҡбыҙ.

Беҙ федераль үҙәктең ҙур ярҙамын тоябыҙ, был бик булышлыҡ итә. Рейтинг төбәктәр араһында аҡыллы конкурентлыҡ мөхите лә тыуҙыра. Үҫешергә мөмкинлектәр бар, пландарыбыҙ ҙур.

Командама рәхмәт! Барыһына ла уңыштар теләйем!" - тине ул.

Фото: Р. Хәбировтың социаль селтәрҙәге сәхифәһенән.