Башҡортостан
+21 °С
Болотло
VKOKРУС
Бөтә яңылыҡтар
Иҡтисад
21 Июнь , 23:30

Илле еңеүсе билдәләнәсәк

“Иң яҡшы муниципаль практика” конкурсында ҡатнашырға саҡыралар.

Илле еңеүсе билдәләнәсәк
Илле еңеүсе билдәләнәсәк

Рәсәй Федерацияһының Иҡтисади үҫеш министрлығы ил субъекттарынан “Иң яҡшы муниципаль практика” конкурсына 20 авгусҡа тиклем ғаризалар ҡабул итә.

“Конкурста муниципаль һәм ҡала округтары араһында еңгәндәр 9 - 45 миллион һум, ә ауыл биләмәләре 2,7 - 18 миллион һум аҡсалата премия аласаҡ. 2017 йылдан алып, биш йыл эсендә, ярышта 3 730 муниципалитет ҡатнашты, уларҙың 146 призлы урындар яуланы. Быйыл да ике категорияла – ҡала округтары һәм ауыл биләмәләре буйынса, ҡатнашыусылар биш номинацияла көс һынашҡандан һуң 50 еңеүсе билдәле буласаҡ”, - тип белдерҙе Рәсәй иҡтисади үҫеш министры урынбаҫары Дмитрий Вахруков. 

Конкурс Рәсәй Федерацияһы Хөкүмәте тарафынан Муниципаль берәмектәрҙең Дөйөм Рәсәй конгресы һәм Урындағы үҙидаралыҡтың Бөтә Рәсәй советы менән берлектә үткәрелә. Уның маҡсаты – муниципаль идаралыҡты ойоштороуҙа яҡшы өлгөләрҙе, күрһәткестәрҙе асыҡлау, хуплау һәм таратыу.

Фото: apkrb.info

 

Автор:Танзиля Давлетбердина
Читайте нас в