Михаил Мишустин нимә хаҡында белдерҙе?

Бөгөн Башҡортостан Хөкүмәте Премьер-министры Андрей Назаров социаль селтәрҙәге сәхифәһендә түбәндәгеләр хаҡында яҙҙы.

“Рәсәй Хөкүмәте Рәйесе Михаил Мишустин республикабыҙҙың “Амкодор” компанияһы менән әүҙем эшмәкәрлегебеҙ хаҡында белдерҙе. Беҙҙең делегация Беларусь Республикаһына эш сәфәре буйынса барғанда уҡ эшлекле хеҙмәттәшлек булдырғайныҡ. Һәм ошо көндәрҙә Петербург халыҡ-ара иҡтисади форумында дөйөм суммаһы 2,5 миллиард һум булған килешеү төҙөнөк. “Өфө” индустриаль паркы биләмәһендә компания игенде йыйып алғандан һуң эшкәртеү буйынса завод, Өфөнөң Октябрь районында ауыл хужалығы, коммуналь һәм башҡа техниканы хеҙмәтләндереү буйынса үҙәк төҙөйәсәк”.

Фото: видеонан скриншот.