Миндекте дәррәү әҙерләйҙәр

Краснокама районында электән ҡалған йола – төрлө ойошмалар ауыл хужалығы предприятиеларына ярҙамға килеп, ҡышҡылыҡҡа мал аҙығын төрләндереү өсөн миндек әҙерләшәләр.

Беҙ килгәндә Краснокама районы хакимиәтенең ауыл хужалығы бүлеге тулы составта урман буйында миндек әҙерләү менән була ине. Улар 200 миндек әҙер­ләргә тейеш булһалар ҙа, һөйлә­шелгәндән күберәк – 250 миндек әҙерләп ҡуйғандар.

Райондың баш зоотехнигы Зенфир Әхмәтов әйтеүенсә, был йоланы ул бала сағынан хәтерләй.

– 4-5 кластарҙа уҡығанда беҙҙе миндек әҙерләшергә алып сыға башланылар. Бө­төн мәктәп менән йыйылышып сыға торғай­ныҡ. Бик күңелле һәм дәррәү эшләп ҡайта инек. Быйыл бесән былтырғынан өс-дүрт тап­­­ҡырға күберәк булһа ла, мал аҙығын төр­­ләндереү өсөн ағас япрағы кәрәк, – ти.

Хеҙмәттәштәренең өлгөһөнән Борайҙар ҙа ҡалышмай. Шулай уҡ хакимиәттең ауыл ху­жалығы бүлеге һәм мәғлүмәт-консультация үҙәге белгестәре лә “Колос” ху­жа­лы­ғына яр­ҙам­ға сыҡҡан. Бөтә район буйын­са был тәж­рибә инде нисәнсе йыл уңышлы тормошҡа ашырыла.

Әйткәндәй, ҡышҡылыҡҡа малдарға яп­раҡ әҙерләү байтаҡ райондарҙа ҡул­ла­ны­ла.,

Л. ҒАФАРОВА