Күрһәткестәр яҡшы булһа ла...

Бөгөн Республикаға идара итеү үҙәгендә ойошторолған Хөкүмәттең оператив кәңәшмәһен Премьер-министр Андрей Назаров үткәрҙе. Ул республика эшмәкәрлегендәге ҡайһы бер мөһим һандарҙы әйтте. Шулай быйылғы йылдың тәүге ете айында 1,6 миллион квадрат метр торлаҡ файҙаланыуға индерелгән. Былтырғы йылдың ғинуар-июле менән сағыштырғанда үҫеш 10,3 процент тәшкил иткән.

Әлеге ваҡытта Башҡортостан торлаҡты сафҡа индереү күрһәткесе буйынса Волга буйы федераль округында икенсе урынды биләй.

– Яҡшы тиҙлек. Шуға ҡарамаҫтан, 2022 йылда беҙҙең алда ярайһы уҡ юғары бурыс тора – 2,980 миллион квадрат метр торлаҡ тапшырырға, ә 2030 йылға дүрт миллион һанына сығырға кәрәк. Уҙған йылдың һәм ағымдағы йылдың ете айының динамикаһы яҡшы булыуға ҡарамаҫтан, шуны әйткем килә: бурыс ҡатмарлы. Шуға бында күп йүнәлештәр буйынса эш алып барырға, төҙөүселәргә һәм ошо һөҙөмтәләргә ҙур өлөш индергән, торлаҡ төҙөгән һәм статистикабыҙҙы яҡшыртҡан халыҡҡа ярҙам күрһәтергә кәрәк, – тине Андрей Назаров.

Фото: "ГорОбзор".