Өфөлә «Алға китеш» күргәҙмәһе старт алды

Бөгөн, 20 сентябрҙә, Өфөлә «Алға китеш» күргәҙмәһе эш башланы. Ул «Мега» сауҙа комплексы янындағы «Конгресс» паркы биләмәһендә (Сик урамы, 178) урынлашҡан. «Алға китеш» үҙенең күләме менән хайран ҡалдыра - күргәҙмәнең оҙонлоғо 17 500 квадрат метр самаһы тәшкил итә. Асылда, ул «Транспорт һәм төҙөлөш» конгресы символы. Бында төҙөлөш һәм юл-транспорт тармағының алдынғы компаниялары үҙ экспозицияларын ҡуя.

Өфөләр һәм баш ҡала ҡунаҡтары өсөн ретроавтомобилдәр күргәҙмәһе, гастрофестиваль, Өфөнөң 450 йыллығына арналған махсус павильон асылған, шулай уҡ бында 70-тән ашыу берәмек махсус техника - ауыр йөк машиналары, вертолет һәм башҡаларҙы күрергә мөмкин.

Күргәҙмә 20-23 сентябрҙә иртәнге сәғәт 9-ҙан киске 8-се яртыға тиклем эшләй. Инеү ирекле.

Альберт Заһиров менән Айрат Нурмөхәмәтовтың фотолары.