“Алға”ла яңы ҡеүәттәр асыла

Бөгөн Башҡортостан Башлығы Радий Хәбиров социаль селтәрҙә үҙ сәхифәләре менән уртаҡлашты.

“Беҙҙең “Алға” махсус иҡтисади зонаһында яңы ҡеүәттәрҙе эшкә ҡушырға әҙерләнек. ”Эш кейемдәре комбинаты” компаниялары төркөмөнә ингән “Аркада” етештереү берекмәһе  эш бирсәткәләре буйынса цех аса. Проект ҡеүәте – йылына биш миллион пар бирсәткә. Бина һәм ҡорамалдар әҙер, әле унда эшселәр йыялар, улар йөҙҙән ашыу кәрәк буласаҡ”, – тип яҙҙы Радий Фәрит улы.

“Аркада” – беҙҙең махсус иҡтисади зоналағы 12 резиденттың береһе. Ул 2021 йылдың декабренән алып эшләй.