Башҡортостандың Финанс министрлығы хәбәр итеүенсә, 10 – 14 октябрҙә “Бәйләнештә” социаль селтәрендәге һәм Телеграмдағы “Минең финанс” һәм “ДОМ.РФ” аккаунттарында “Ипотека-2022. Яңы ҡағиҙәләр һәм мөмкинлектәр” онлайн-марафоны үткәрелә. Сараны Рәсәй Финанс министрлығы ҡарамағындағы Ғилми-тикшеренеү финанс институты ойоштора.
- Быйыл марафонда ҡатнашыусылар ипотека кредиты мөмкинлектәре тураһында беләсәк, Рәсәй Финанс министрлығы, ДОМ РФ, Рәсәйҙең Үҙәк банкы эксперттарына һорауҙарын бирә аласаҡ, - тип хәбәр итте Башҡортостан Хөкүмәте Премьер-министры урынбаҫары – финанс министры Лира Иғтисамова.
Эфирҙан һуң ҡатнашыусыларға финанс грамоталылығы һәм ипотека темаларына конкурс тестары тәҡдим ителәсәк.
Фото: vosadu-li-voge.ru