Еңел сәнәғәттә еңел түгел!

Башҡортостан Хөкүмәте Премьер-министры Андрей Назаров республиканың еңел сәнәғәт буйынса алдынғы предприятиелары хеҙмәткәрҙәренә наградалар тапшырҙы.

Шулай итеп, "Рәсәйҙең атҡаҙанған текстиль һәм еңел сәнәғәт хеҙмәткәре" исеменә "Эш кейеме комбинаты" акционерҙар йәмғиәте генераль директоры кәңәшсеһе Михаил Цукерман лайыҡ булһа, "Башҡортостандың атҡаҙанған текстиль һәм еңел сәнәғәт хеҙмәткәре" наградаһы "РиаПласт" асыҡ акционерҙар йәмғиәтенең тегеү-әҙерләү цехы начальнигы Людмила Музычкоға, "ИСКОЖ" акционерҙар йәмғиәте тегенсеһе Галина Семеноваға, "Эш кейеме комбинаты" акционерҙар йәмғиәте тегеү ҡорамалдары операторы Әлфиә Әхмәроваға, "Учалы тегеү фабрикаһы" асыҡ акционерҙар йәмғиәте тегеү ҡорамалдары операторы Роза Бекишеваға тапшырылды.

Билдәле булыуынса, 6-7 октябрҙә баш ҡалабыҙҙың ВДНХ-ЭКСПО күргәҙмәләр комплексында "ЛЕГПРОМ-2022" еңел сәнәғәт форумы үтә һәм бөгөн сара сиктәрендә күргәҙмә эшләне, әлеге өлкә хеҙмәткәрҙәре тәжрибә уртаҡлашты.

Фото: Башҡортостан Хөкүмәте.