“Алға” менән һөт аҙыҡтарын да алып була

Башҡортостан Башлығы Радий Хәбиров социаль селтәрҙәге сәхифәһендә түбәндәгеләр хаҡында яҙҙы. “Балаларыбыҙҙың ата-әсәләре беҙҙән “Һөт кухняһы” файҙаланыусыларын “Алға” картаһы иҫәбенә “бәйләүҙе” һорағайнылар. Һәм беҙ быны эшләнек. Шул уҡ ваҡытта һөт аҙыҡ-түлектәрен элекке карта буйынса шәхси QR-код менән алырға мөмкин.

“Алға” картаһының мәғлүмәттәрен шәхси кабинетҡа теркәтеү өсөн һөт-аҙыҡ түлектәрен таратыу пунктындағы һатыусыға карта артында күрһәтелгән һандарҙы әйтергә кәрәк. Был “бәйләү” бушлай буласаҡ.

Беҙ артабан да Башҡортостанда “Һөт кухняһы” селтәрен үҫтереүҙе һәм был аҙыҡ-түлектәрҙе файҙаланыусылар өсөн уңайлыҡтар булдырасаҡбыҙ.

Тулыраҡ: https://milkrb.ru/for-buyers”.

Фотолар: vk.com/radiyhabirov; clearbody.org