Беҙ – был тармаҡта ла алдынғыларҙың береһе

“Рәсәй транспорты” форумында Башҡортостан проекттары ҙур ҡыҙыҡһыныу тыуҙырҙы.

Мәскәүҙә барған был күргәҙмәлә республикабыҙҙың тормошҡа ашырылған инфраструктура проекттары һаны буйынса алдынғыларҙың береһе булыуы асыҡ күрһәтелде. Башҡортостан стендын Рәсәй Хөкүмәте вице-премьеры Андрей Белоусов та ҙур иғтибар менән ҡараны.

“Пленар ултырыш та бай йөкмәткеле булды, төп һығымта – санкциялар баҫымына ҡарамай, юл һәм транспорт тармағы уңышлы эшләүен дауам итә. Тимер юлда һәм автомобиль транспортында йөк әйләнеше элекке хәленә ҡайтты. Юл инфраструктураһын үҫтереү – элеккесә, өҫтөнлөклө йүнәлеш. Вице-премьер Марат Хөснуллин билдәләгәнсә, биш йыллыҡ план буйынса эшләйбеҙ. Унда күрәһетелгән бөтә бурыстар ҙа үтәләсәк. Планлаштырыу горизонтының аңлашылыуы бик мөһим. Беҙ быны бөгөн асыҡ белдек”, – тине республиканың транспорт һәм юл хужалығы министры Александр Булушев.

“Башинформ” фотоһы.