Андрей Назаров эшҡыуарҙарға наградалар тапшырҙы

Башҡортостан Хөкүмәте Премьер-министры Андрей Назаров “Беренселәр заманы” һәм “Urban Awards Уфа”  премиялары еңеүселәрен наградлау тантанаһында ҡатнашты. Сара “Торатау” конгресс-холында “Халыҡ-ара бизнес аҙналығы-2022” форумы сиктәрендә уҙғарылды.

“Үҙ эшмәкәрлеге осоронда Халыҡ-ара бизнес аҙналығы йоғонтоло булыуын һәм үҙ тармаҡтарындағы алдынғыларҙы ылыҡтырыу көсөн күрһәтте.  Беҙ сәнәғәт сәйәсәте буйынса Рәсәйҙә беренселәр, республиканы санкциялар баҫымының ауырлығына ҡарамай үҫтерәбеҙ. Залда ултырғандарҙың барыһы ла республиканың иҡтисади ҡеүәтен арттыра барыуға ҙур өлөш индерә”, – тине Премьер-министр.

Андрей Назаров “Ышаныслы партнер” номинацияһында – “Цемикс” йәмғиәтенә, “Йыл компанияһы” номинацияһында “Газпром нефтехим Салауат” йәмғиәтенә наградалар тапшырҙы. “Берненселәр заманы” премияһына алты предприятие лайыҡ булды: «Полиэф», «ОДК-УМПО», «А7 Агро», «Аркада», «Ойлтиммаш», «Башкирская медь». “Urban Awards Уфа” премияһын 16 төҙөлөш компанияһы алды.

Фото: Башҡортостан Хөкүмәте сайтынан.