Беларусь сәнәғәтенең Башҡортостанға экспорты 30 процентҡа артҡан

“Халыҡ-ара бизнес аҙналығы2022” форумында  Башҡортостан менән Беларусь араһындағы кооперацияны үҫтереү мәсьәләләре тикшерелде.

Беларусь илселегенең Өфөләге бүлексәһе етәксеһе Артур Карпович билдәләүенсә, быйылғы 10 айҙа белорус экспорты 30 процентҡа артҡан. “Копперацияны үҫтереү буйынса ҙур эш башҡарылған, әле барған бизнес аҙналығы был йүнәлеште тағы ла тиҙләтеү мөмкинлеге бирер тип ышанам”, ти Артур Карпович.

Башҡортостан Хөкүмәте Премьер-министрының беренсе урынбаҫары – иҡтисади үҫеш һәм инвестиция сәйәсәте министры ике яҡтың сәнәғәтенең хеҙмәттәшлектәге төп йүнәлеш булыуы тураһында һөйләне.

“Башҡортостан кооперация бәйләнештәрен үҫтереүгә ҙур иғтибар бүлә. Беҙ хәҙер Беларусь коллегалары менән бергә ауыл хужалығы бәйләнештәрен дә киңәйтергә уйлайбыҙ”, – тине Рөстәм Моратов.

“Башинформ” фотоһы.