Рәсәй төбәктәренең хеҙмәттәшлек финанслауын үҫтереү мәсьәләләре тикшерелде

“Халыҡ-ара бизнес аҙналығы-2022” форумында Башҡортостандың Финанс министрлығы етәкселегендә ошо мәсьәләләр буйынса түңәрәк өҫтәл үткәрелде.

 Сарала Рәсәй Банкының Урал баш идаралағы бүлексәһе – Башҡортостан буйынса Милли банк һәм Дәүләт Думаһының Финанс баҙары буйынса комитеты вәкилдәре лә ҡатнашты.

“Башҡортостандың ошо экспериментты тормошҡа ашырыу буйынса төбәктәр исемлегенә инеүе мөһим. Хеҙмәттәшлек финанслауы өлкәһендәге берлектәге эшебеҙ иҡтисадты үҫтереү һәм инвестиция йәлеп итеүгә этәргес көс булырына ышанабыҙ. Көсәйә барған санкциялар баҫымы аҫтында был айырыуса мөһим”, – тине Башҡортостан Хөкүмәте Прмеьер-министры урынбаҫары – финанс министры Лира Иғтисамова.

Көн тәртибендә төп иғтибар ҡануниәткә бирелде. “Рәсәй Федерацияһының айырым төбәктәрендә хеҙмәттәшлек финанслауы буйынса эшмәкәрлек өсөн тейешле шарттар тыуҙырыу өсөн махсус көйләү булдырыу буйынса эксперимент үткәреү тураһында”ғы закон проекты Дәүләт Думаһында ҡарала.

Айрат Нурмөхәмәтов фотоһы.