“Технологик үҫештәр көтәбеҙ!”

“Башҡортостан электрон сәнәғәт өлкәһендә сәнәғәт технопаркын ойоштороуға һәм үҫтереүгә федераль субсидия аласаҡ.

“РВ-1” радиоэлектрон технопаркы Өфөнөң Киров районында, Сик буйы урамында булдырыла, участканың майҙаны – 30 мең квадрат метр. “Геоскан-Өфө” идарасы компанияһы проектҡа 1,2 миллиард һум инвестиция йүнәлтә, шуның 504 миллион һумын федераль бюджеттан субсидия ҡаплай.

Потенциаль резиденттар – Өфө, Минск, Санкт-Петербург компаниялары. Улар менән килешеүҙәр төҙөлгән дә инде. 2030 йылға бында 370 эш урыны барлыҡҡа килер, радиоэлектроника сәнәғәте продукцияһының тулайым сығарылышы 3,6 миллиард һумдан артыр, тип көтәбеҙ.

Рәсәй Сәнәғәт һәм сауҙа министрлығы яңы ярҙам алымын сентябрҙә әҙерләгәйне. Башҡортостан ғаризаны беренселәрҙән булып тапшырҙы. Республикабыҙ командаһына – Башҡортостандың Сәнәғәт, энергетика һәм инновациялар министрлығына, Стратегик эшләнмәләр үҙәгенә йылдам һәм көйлө эш өсөн рәхмәт.

Технологик үҫештәр көтәбеҙ! Барығыҙға ла уңыштар теләйем!” – тип яҙған Радий Хәбиров.

Фото: vk.com/wall413272232_947708

Сығанаҡ: vk.com/wall413272232_947708