Кис балалар менән тәмләп ҡарарбыҙ

Бөгөн Башҡортостан Башлығы Радий Хәбиров социаль селтәрҙә пост ҡалдырҙы. Унда ул "Һөт кухняһы"ның яңы аҙығы менән таныштырҙы.

“Кисен балалар менән тәмләп ҡарарбыҙ. Ә дегустациянан һуң фекер алышырбыҙ, Алексей Николаевич Гусев)

Был – алты айҙан ҙурыраҡ сабыйҙар өсөн эшләнгән “Һөт кухняһы”ның яңы продукты. Күптән түгел уны Белоретта, предприятие цехтарының береһендә эшләй башланылар. Ә печеньене таратыу пункттарында һатып алырға мөмкин.

Беҙҙең “Һөт кухняһы”ның уңышлы проект булыуына һәм артабан да үҫешеүенә шатмын. Тәмле һәм файҙалы аҙыҡ-түлек менән республика халҡы, айырыуса балалар тәьмин ителергә тейеш”, – тип яҙҙы ул.  

Фото: "Бәйләнештә".