Бөтә яңылыҡтар
Иҡтисад
12 Март 2023, 18:00

Иранды әле "асабыҙ" ғына

Башҡортостан Башлығы Радий Хәбиров етәкселегендәге делегация Иранда. Ҡайһы тармаҡтарҙа хеҙмәттәшлекте нығытыу хаҡында һөйләшеүҙәр бара?  

Иранды әле "асабыҙ" ғына
Иранды әле "асабыҙ" ғына

Бөгөн Тегеранда Башҡортостан Башлығы Радий Хәбиров Ирандың сәнәғәт, рудниктар һәм сауҙа министры Сейед Реза-Фатеми-Амин менән осрашты.

“Беҙ Башҡортостанды Рәсәйҙең алдынғы төбәге булараҡ беләбеҙ. Һеҙҙең республикала нефть сәнәғәте, фән үҫешкән. Туризм, технологиялар һәм сауҙа мөнәсәбәттәре буйынса ла һәйбәт перспективалар бар”, – тине министр.

“Беҙ традицион хеҙмәттәшлек схемаһын тәҡдим итәбеҙ, – тине Радий Хәбиров. – Иранды әле “асабыҙ” ғына. Һеҙҙә берлектәге эш төркөмө өсөн яуаплы кеше тәғәйенләргә кәрәк тигән тәҡдимебеҙ бар”.

Алдан хәбәр итеүебеҙсә, Иранға сәфәр программаһында – эшлекле осрашыуҙар, шул иҫәптән – Ирандың иҡтисади мәсьәләләр буйынса вице-президенты Мохсин Резаи, министрҙар, ҙур компаниялар етәкселәре менән.

“Был сәфәр беҙҙең өсөн ҡыҙыҡлы һәм мөһим. Республика делегацияһы составында – Башҡортостан Хөкүмәте ағзалары, Иран менән хеҙмәттәшлеккә ҡыҙыҡһыныу белдергән компаниялар вәкилдәре. Иҡтисадтарыбыҙ структураһы оҡшаш. Был йүнәлештә беҙ бер-беребеҙҙе тулыландыра алабыҙ. Тағы бер  бурыс: Иранды Башҡортостан халҡы өсөн дә асыу. Шуға күрә беҙ фекер алышасаҡ мәсьәләләр араһында туризм да бар. Өфө менән Тегеран араһында тура рейс асырға ла тәҡдим итәбеҙ”, – ти Башҡортостан етәксеһе.

Был сәфәр тураһында Радий Хәбиров социаль селтәрҙәрҙә лә яҙҙы:

“Беҙ Иран менән хеҙмәттәшлекте үҫтереүгә ҙур әһәмиәт бирәбеҙ, бөгөнгө санкциялар баҫымы шарттарында был үтә әһәмиәтле. Иран – боронғо мәҙәниәтле ғәжәп ил, беҙ уны Башҡортостанда йәшәгәндәр өсөн дә асырға ниәтләйбеҙ”.

Фото: Башҡортостан Башлығы сайты.

Автор:Рәшит Кәлимуллин
Читайте нас: