Өфөлә ҙур сара үтә

Башҡортостан интеллектуаль милекте монетизациялауҙы үҫтереүҙе тәҡдим итә.

Интеллектуаль һаҡланған милектең ҙур өлөшөнә эйә булған компанияларға һәм территорияларға ҙур инвестициялар килә. Был йәһәттән Башҡортостан инвестициялар йәлеп итеүҙең баһалап бөткөһөҙ потенциалына эйә, әммә эксперттар компанияларҙың капитализацияһын күп тапҡырға арттырыусы матди булмаған активтарҙы баһалау юлдарын күрә. Ошо мәсьәләләрҙе Өфөлә башланған Халыҡ-ара бизнес аҙналығы сиктәрендә Рәсәйҙең алдынғы инновацион белгестәре тикшерҙе.  Фекер алышыуҙың төп нөктәһе булып матди булмаған активтарҙың хаҡын күсереү ысулын эҙләү –патенттар, лицензиялар, бренд һәм авторлыҡ танытмалары, компанияны капитализациялау торҙо.

Рәсәйҙә матди булмаған активтарҙың әүҙем баҙары формалашыуына, ә интеллектуаль милек инвестиция стимулына әйләнеүенә закон сығарыусылар әүҙем булышлыҡ итә башлаған.

– Беҙ мөһим яуаплы дәүерҙә йәшәйбеҙ. Ниһайәт, илдең технологик суверенитетын нығытыу менән шөғөлләнәләр. Хәҙер парламентта технологик сәйәсәт тураһында закон проектын тикшерәбеҙ, унда 10 алдынғы технология һәм 16 өҫтөнлөклө тармаҡ билдәләнде. Бынан тыш, уйлап табыусылар һәм рационализаторҙар хоҡуҡтарын яҡлау буйынса вәкил институтын булдырырға уйлайбыҙ, – тине РФ Дәүләт Думаһының төбәк сәйәсәте һәм урындағы үҙидара буйынса комитеты рәйесенең беренсе урынбаҫары Сергей Морозов.

Фото: ibw-bashkortostan.com