Радий Хәбиров Sputnik агентлығына интервью бирҙе

Башҡортостан Башлығы Радий Хәбиров Республикабыҙ делегацияһының Астанаға эш сәфәре барышында Ҡаҙағстандың Sputnik яңылыҡтар агентлығына интервью бирҙе. Төбәк етәксеһе Ҡаҙағстан менән Башҡортостандың бәйләнеш үҙенсәлеге тураһында һөйләне, 2024 йылда үтәсәк  Ҡаҙағстан - Рәсәй төбәк-ара форум тураһында, авиабәйләнеш үҫеше тураһында белдерҙе. Ҡаҙағстан Президенты Касым-Жомарт Токаев менән әңгәмәләшеү һөҙөмтәләре хаҡында әйтте.

-Дөйөм мәҙәниәтебеҙ, тарихыбыҙҙан сығып шуны әйтә алам, Ҡаҙағстан – беҙҙең өсөн донъялағы төп партнер. Беҙ һуңғы йылдарҙың һөҙөмтәләрен барланыҡ. Аҙаҡҡы  дүрт йылда тауар әйләнеше лә артҡан. Быны билдәләп, Президент Касым-Жомарт Токаев, сауҙанан тәрәнерәк кооперацияға күсеүҙе тәҡдим итте, - тине Радий Хәбиров.

Шулай уҡ төбәк етәксеһе “Башҡортостан оҙон ғүмерлеге. Туризм” программаһы тураһында ла һөйләне.

-Беҙҙә “Башҡортостан оҙон ғүмерлеге. Туризм” программаһы эшләй. Был программа күптән республиканан ситкә сыға.Тәүге тәжрибә Белоруссия менән булды. Хәҙер уны Ҡаҙағстанда ла тормошҡа ашырырға ниәтләйбеҙ. Сәфәр Башҡортостан ҡаҙнаһы иҫәбенә башҡарыла, - тине ул.

Фото Башҡортостан Башлығы сайтынан.