Республикала «Урал аръяғы-2024» инвестиция һабантуйында ҡатнашыусыларҙы теркәү башланды

Форум майҙансыҡтарында стратегик сессиялар, түңәрәк өҫтәлдәр, фекер алышыу майҙансыҡтары ойошторола, килешеүҙәргә ҡул ҡуйыу һәм пленар ултырыш ҡаралған. Дәүләт-шәхси партнерлыҡты үҫтереү, квалификациялы кадрҙар әҙерләү, яһалма интеллект, мәғлүмәт иҡтисады мәсьәләләре тикшереләсәк. Урал аръяғының туристик инфраструктураһын үҫтереү һәм «Урал» махсус иҡтисади зонаһын булдырыу буйынса 20-нән ашыу сессия үткәреү ҡаралған.

Йыл һайын «Урал аръяғы» Бөтә Рәсәй инвестиция һабантуйында яҡын һәм алыҫ сит илдәрҙән делегациялар саҡырыла. Унда дәүләт учреждениелары, бизнес вәкилдәре, инвесторҙар, эксперттар, дәүләт һәм йәмәғәт эшмәкәрҙәре ҡатнаша. Сараны ойоштороусылар - Стратегик башланғыстар агентлығы һәм Башҡортостан Хөкүмәте.

Фото һәм сығанаҡ: "Республика Башҡортостан" гәзитенән