Башҡортостан делегацияһы Ҡытайҙа эшләй

Башҡортостан Республикаһы Хөкүмәте ойошторған В2В майҙансығында Ҡытай Халыҡ Республикаһына төбәк делегацияһының сәфәре барышында республиканың 40-тан ашыу предприятиеһы агросәнәғәт комплексы, нефть химияһы, аҙыҡ-түлек, ауыл хужалығы, металлургия, машиналар эшләү, мебель сәнәғәте, медицина, логистика буйынса эш башлай. Башҡортостан компаниялары менән һөйләшеүҙәрҙә ҡатнашыу өсөн 270-тән ашыу Ҡытай компанияһы теркәлгән.

«Башҡортостан үҙенең инженер продукцияһы, шулай уҡ нефть эшкәртеү һәм химия комплекстары менән дан ала. Был йәһәттән беҙҙә Ҡытайҙан партнерҙарға тәҡдим итерлек нәмәләр бар, беҙ үҙ тәжрибәбеҙ һәм тупланған белемдәребеҙ менән уртаҡлашырға әҙербеҙ. Үҙ сиратында, республикабыҙҙа автомобиль, тау һәм башҡа өлкәләрҙә берлектәге проекттарҙы тормошҡа ашырыу өсөн Ҡытай сәнәғәт предприятиеларын йәлеп итеү менән дә ҡыҙыҡһынабыҙ», — тине Башҡортостандың сәнәғәт энергетика һә инновациялар министры Александр Шельдяев.

Башҡортостан Республикаһының тышҡы иҡтисади бәйләнештәр һәм конгресс эшмәкәрлеге министры Маргарита Болычева төбәктең тышҡы сауҙа әйләнешендә Ҡытайҙың ҙур роль уйнауын билдәләне.

“Уҙған йыл йомғаҡтары буйынса Ҡытай Башҡортостан Республикаһы партнерҙары араһында үҙ-ара сауҙа әйләнеше буйынса беренсе урынға сыҡты, уның өлөшө республика Бөтә донъя һаулыҡ һаҡлау ойошмаһының дөйөм күләменең 24,3 процентын тәшкил итте. Былтыр Ҡытайға оҙатылған тауарҙарҙың дүрттән өс өлөшөн машиналар эшләү продукттары тәшкил итте, шулай уҡ химия тауарҙары, аҙыҡ-түлек, файҙалы ҡаҙылмалар, ағас, металдар менән тәьмин иттек. Башҡортостан республикаһы Башлығы Радий Хәбиров исеменән Башҡортостан һәм ҠХР провинциялары араһында хеҙмәттәшлектең ҙур потенциалын иҫәпкә алып, беҙ яңы бәйләнеш нөктәләрен табыу һәм Башҡортостанда ла, Ҡытайҙа ла тормошҡа ашырыу буйынса яңы берлектәге проекттар табыу маҡсатында ошо сәфәрҙе ойошторҙоҡ”,– тине Маргарита Болычева.

Белешмә:

Башҡортостан Республикаһының рәсми һәм эшлекле делегацияһының Ҡытай Халыҡ Республикаһына сәфәре 15-18 майҙа үтә. Сәфәр барышында төбәк делегаттары VIII Рәсәй-Ҡытай ЭКСПО-һында ҡатнашасаҡ, Ляонин һәм Хэйлунцзян провинциялары вәкилдәре менән бер нисә осрашыу үткәрәсәк, шулай уҡ Башҡортостан Республикаһы һәм Ҡытай Халыҡ Республикаһы эшҡыуарҙары араһында B2B һөйләшеүҙәре үтәсәк.

Фото: Башҡортостан Хөкүмәте сайтынан алынды.