Денис Буцаев: Башҡортостан инвестиция һәм иҡтисади планда яҡшы һөҙөмтәләр күрһәтә

«Урал аръяғы» инвестиция һабантуйы халыҡ-ара проекттар сиктәрендә инвестиция һәм иҡтисади хеҙмәттәшлек өлкәһендә, шулай уҡ Башҡортостан Республикаһының инфраструктура үҫешендә үҙен мөһим ваҡиғаларҙың береһе итеп күрһәтте. Сибайҙа инвестиция форумын асыуҙа «Рәсәй экология операторы» етештереү-сәнәғәт комплексы етәксеһе Денис Буцаев форумды иң популяр иҡтисади майҙансыҡтарҙың береһе булараҡ баһаланы.

- Беҙҙең өсөн был иң популяр иҡтисади майҙансыҡтарҙың береһендә тотороҡло үҫеш проблемаларын тикшереү мөмкинлеге. Форум алтынсы тапҡыр уҙғарыла һәм үҙен төрлө мәсьәләләрҙе тикшереү өсөн күп профилле һәм күп форматлы майҙансыҡ итеп күрһәтте, - тип һыҙыҡ өҫтөнә алды спикер.

Компания етәксеһе һүҙҙәренсә, тикшерелгән мәсьәләләрҙең күпселеге төбәктәрҙең, шулай уҡ тотош илдең үҫеше менән бәйле.

- Башҡортостан менән әлеге ваҡытта тормошҡа ашырылған ҙур инвестицион проекттар бәйле булыуын иҫәпкә алғанда, был айырыуса мөһим, - тип һыҙыҡ өҫтөнә алды Денис Буцаев. - Форум барышында хеҙмәттәшлекте киңәйтеү тураһында өҫтәмә килешеүгә ҡул ҡуйыу күҙаллана. Сибайҙағы форумда әҙерләнгән байтаҡ башланғыстар Петербург һәм Көнсығыш иҡтисади форумдары кеүек иҡтисади майҙансыҡтарҙа үҫеш ала. «Урал аръяғы»нда ҡайһы бер мәсьәләләрҙе тикшерә башлағанда, беҙ башҡа форумдарҙа ҡул ҡуйылған килешеүҙәргә килдек, бында өлгәшелгән төп принциптарҙы һәм килешеүҙәрҙе һаҡлап ҡалдыҡ.

Денис Буцаев һуңғы ваҡытта Башҡортостан инвестиция һәм иҡтисади йәһәттән яҡшы һөҙөмтәләр күрһәтә тип билдәләне. Төбәк шулай уҡ экологик рейтингтарҙа алдынғы урындарға күтәрелде. Был хәрәкәт артабан да дауам итер һәм иң яҡшы һөҙөмтәләр өсөн өҫтәмә стимул булыр тигән ышаныс белдерҙе спикер.

Фото: forum-zauralye.com.