Башҡортостанға юғары баһа бирелде

Петербург халыҡ-ара иҡтисади форумында Башҡортостан стенды янынан халыҡ өҙөлмәне. Сара барған көндәрҙә уны меңдән ашыу кеше ҡараған. Рәсәйҙең төҙөлөш һәм торлаҡ-коммуналь хужалыҡ министры Ирек Фәйзуллин әйтеүенсә, был тармаҡта Башҡортостан – лидер.

– Республика бөтә федераль программаларҙы ла уңышлы тормошҡа ашыра, шул иҫәптән торлаҡ төҙөүҙә лә алдынғылыҡты бирмәй. Уйлауымса, киләсәктә яңы милли проекттарҙы тормошҡа ашырғанда ла беренсе булып ҡаласаҡ, – тине Ирек Фәйзуллин.

Шулай уҡ Дәүләт Думаһы депутаты Ирина Яровая Башҡортостан етәкселегенең эшмәкәрлеген юғары баһаланы. Бынан тыш, Рәсәй сауҙа-сәнәғәт палатаһы президенты Сергей Катырин, Рәсәй Президенты ҡарамағындағы эшҡыуарлыҡ буйынса вәкил Борис Титов һәм башҡалар республикабыҙҙың стендын башҡаларға өлгө итеп ҡуйҙы.

Фото: Башҡортостан Башлығы сайтынан.