Күркә ите барыһына ла етәсәк

Өфөлә барған “АгроКомплекс” форумы барышында Мәләүез районының “Союзпромптица” предприятиеһы директоры Андрей Ковалев экспорт йүнәлешен үҫтереү буйынса пландары менән уртаҡлашты.

– Был йәһәттән маҡсаттар ҙур. Әле үк Африка, БДБ илдәренә күркә ите ебәрәбеҙ. Быйыл Гонконгка, Вьетнамға экспортлау киңәйтеләсәк. Әҙерлек эштәре тамамланды, – тине Андрей Ковалев. – Бурысыбыҙ – халыҡты экологик яҡтан таҙа, сифатлы ит менән тәьмин итеү. Был йөкләмәне тейешенсә үтәйбеҙ. Ә экспорт ташыуҙарын производствоны киңәйтеү иҫәбенә арттырабыҙ. Былтыр рекордлы күрһәткескә еттек: 36,5 мең тонна күркә ите етештерелде. Әммә был һанда ғына туҡталып ҡалырға уй юҡ – эш һөҙөмтәһен икеләтә арттырыу маҡсатында яңы корпустар төҙөү бара. Тимәк, күркә ите эске баҙарға ғына түгел, тышҡыһына ла етәсәк.

Фото: "Республика Башкортостан" гәзите.