Башҡортостан 2 миллиондан ашыу туристы ҡабул итергә әҙер

Республика етәксеһе быйыл туризмды үҫтереүгә дәүләт ярҙамы күләме 404 миллион һум тәшкил итәсәк, тип хәбәр итте.

Был хаҡта илдә туризмды үҫтереү буйынса комиссияла Радий Хәбиров хәбәр итте. Быйыл туристарҙы хеҙмәтләндереү сифатын яҡшыртыу һәм йәйге миҙгелдә хеҙмәтләндереүҙе яҡшыртыу өсөн республика федераль ҡаҙнанан 404 миллион һум аҡса алды.

2024 йылда Рәсәй туризмына инвестициялар 1 триллион һумдан ашып китте һәм тармаҡ тарихында рекордлы күрһәткескә етте. Был алдағы йылға ҡарағанда 35 процентҡа күберәк.

Льготалы кредитлау программаһы арҡаһында илдә яңы ҡунаҡханалар барлыҡҡа килә, туризм инфраструктураһы яңыртыла. Был программаның инвестиция портфелендә 1,9 триллион һумлыҡ 400-ҙән ашыу проект бар.

Мәҫәлән, Башҡортостанда ғына 120-нән ашыу глемпинг майҙансығы бар - һуңғы ике йылда 800 бүлмә асылды, һәм беҙ туҡтарға уйламайбыҙ!

Автор фотоһы