Аҡсаңа идара итергә өйрән

Башҡортостандың 29 муниципалитеты вәкилдәре II Бөтә Рәсәй һаҡлыҡ аҡса һәм инвестициялар ғаилә фестивалендә ҡатнашасаҡ. Был хаҡта Башҡортостан Финанс министрлығы хәбәр итә. Тәүге этапта еңеүселәрҙе урында асыҡлаясаҡтар, аҙаҡ улар Өфөләге төбәк этабына киләсәк.

 Еңеүселәр командаһы республика данын көҙ көнө Мәскәүҙә үтәсәк финалда яҡлаясаҡ.  Командалар  бер ғаилә ағзаларынан торасаҡ. Иң күбе – дүрт кеше. Ун йәштән өлкәнерәк булыуҙары мотлаҡ, әммә команда ағзаларынан берәү генә булһа ла бәлиғ йәштә булырға тейеш. Улар өс конкурс мәсьәләһен сисергә тейеш: “Һаҡлыҡҡа һалынған аҡсаны страховкалау – киләсәк тураһында хәстәрлек” квизы, “Һаҡ булығыҙ, алдаҡсы брокер!”чек ҡағыҙы, Оҙайлы һаҡлыҡ аҡсалары программаһының интерактив калькуляторы.

Фестивалдең иң әүҙем ҡатнашыусыларын һәм еңеүселәрен иҫтәлекле приздар көтә.

21 июндә Финанс университетының Өфө филиалында Бөтә Рәсәй һаҡлыҡ аҡса һәм инвестициялар ғаилә фестиваленең төбәк этабы үтәсәк һәм  финанс яғынан иң белемле ғаилә һайлап алынасаҡ. Фестиваль 10:00 сәғәттән 15:00 сәғәткә тиклем түбәндәге адрес буйынса үтә: Өфө ҡалаһы, Мостай Кәрим урамы, 69/1.

 Фото: Башҡортостан Финанс министрлығының матбуғат хеҙмәте.