Башҡортостанда IV Халыҡ-ара бизнес-шәрифтәр форумы асылды

Сибай ҡалаһында Бөтә Рәсәй “Урал аръяғы-2025” инвестиция һабантуйы сиктәрендә “Төбәктән-төбәккә: тәжрибә уңышы юлы”  IV халыҡ-ара бизнес-шәрифтәр форумы асылды. Был хаҡта Башҡортостан Хөкүмәтенең матбуғат хеҙмәте хәбәр итә.

Дәүләт менән бизнес араһында үҙ-ара эш итеүҙең һөҙөмтәле моделдәрен тикшереү, бәләкәй һәм урта предприятиеларҙың бөгөнгө хәленә баһа биреү һәм бәләкәй һәм урта эшҡыуарлыҡҡа дәүләт ярҙамы саралары панель дискуссияһының үҙәк темалары булып торҙо. Рәсәй Федерацияһының 24 төбәге вәкилдәре ҡатнашҡан форумда сығыш яһаусылар булып «Яңы проекттарҙы алға ебәреү буйынса стратегик башланғыстар агентлығы» АНО вәкилдәре сығыш яһаны.

“Төбәктән- төбәккә: тәжрибә уңышы юлы” панель дискуссияһын асып, АСИ етәксеһенең беренсе урынбаҫары Игорь Карачин видеоконференция режимында  Урал аръяғындағы инвестиция форумы Көнсығыш иҡтисади форумы менән бер үк ваҡытта бара һәм был киң мәғәнәлә Башҡортостан традицион рәүештә илдең төп ваҡиғаларының үҙәгендә тора, тип белдерҙе.

– Иртәгә етәксебеҙ Светлана Чупшева һәм башҡа федераль ведомство етәкселәре менән берлектә төбәктәр үҙ илдәрендә ҡуллана алырлыҡ иң яҡшы тәжрибәләрҙе тикшерәсәкбеҙ.Ҡабул итеүсе яҡтың да уртаҡлашыр нәмәһе бар. Төбәктә, СПИЭФ тәжрибәһенә таянып, муниципалитеттарҙың инвестиция йәлеп итеүсәнлегенә рейтинг үткәрелә, бында конкурентлыҡ көрәшенең көсөргәнешлеге Санкт-Петербургтағынан кәм түгел», — тип билдәләне Игорь Карачин.

Ул республиканың бизнес-шәрифтәре эшен юғары баһаланы, уларҙың тырышлығы менән йыл һайын республика ҡаҙнаһы тулылана. Шул уҡ ваҡытта ул инвестиция эшмәкәрлеген үҫтереүҙә төп фактор булып муниципалитеттар сиктәрендәге эш тороуын, ошо юлдан барғандарҙың уңышҡа өлгәшеүен билдәләне.

“Башҡортостандың эшлекле шәрифтәр эшмәкәрлеген ойоштороу тәжрибәһе күп төбәктәрҙә ҡулланыла ла инде, ә Әстрхан өлкәһе күптән түгел был практиканы ҡабул итте”, – тине Игорь Карачин.

Ул Башҡортостан Башлығы Радий Хәбировҡа, Башҡортостан Республикаһы Хөкүмәте Премьер-министры Андрей Назаровҡа һәм Хөкүмәт Премьер-министрының беренсе урынбаҫары – Башҡортостан Республикаһының иҡтисади үҫеш һәм инвестиция сәйәсәте министры Рөстәм Моратовҡа эште системалы алып барғандары өсөн рәхмәт белдерҙе.

Башҡортостан Республикаһының эшҡыуарлыҡ һәм туризм министры Светлана Верещагина билдәләүенсә, тәжрибә һәм иң яҡшы тәжрибә менән уртаҡлашыу бер-беребеҙҙең позицияларын нығытырға мөмкинлек бирә.

– Әгәр 2019 йылдан республика Башлығы Радий Хәбировтың башланғысы менән алып барылған муниципалитеттарға инвестиция уполномоченныйҙарын индереү практикабыҙ хаҡында һүҙ алып барһаҡ,  беҙ уларҙың эшен йыл һайын күҙәтәбеҙ. Эшҡыуарҙар араһында һорау алыуҙар үткәрҙек һәм һәр өсөнсөһө бизнес-шәриф менән бәйләнешкә ингәнен һәм 81 проценты үҙҙәренең проблемаларын хәл итеү менән ҡәнәғәт булыуын асыҡланыҡ. Беҙ үҙебеҙҙең инвестиция уполномоченныйҙары өсөн даими уҡытыу үткәрәбеҙ: эшлекле сессиялар, вебинарҙар, семинарҙар, улар менән аҙнаһына бер тапҡыр видеоконференция аша осрашабыҙ. Бөгөн улар кәрәкле кейстарҙың тулы комплектына эйә булған һәм бизнес алып барыуҙы белгән универсаль хеҙмәткәрҙәр», — тип һыҙыҡ өҫтөнә алды Светлана Верещагина.

Башҡортостан Республикаһының иҡтисади үҫеш һәм инвестиция сәйәсәте министры урынбаҫары Михаил Изотов хөкүмәт менән бизнес араһындағы уңышлы диалогтың бер нисә миҫалын килтерҙе.

– Инвесторҙар клубы сиктәрендә республика Башлығы Радий Хәбиров ҡатнашлығында барлыҡ эре инвестиция проекттарын тикшерәбеҙ. Тағы ла бер механизм – “Инвестиция сәғәте”, унда инвесторҙарға дәүләт ярҙамы сараларын тәьмин итеү мәсьәләләре хәл ителә. Ошо арҡала ғына һуңғы алты йылда төбәктең инвестиция портфеле 1,3 триллион һумға етте, — тип билдәләне Михаил Изотов.

Изотов, инвесторҙар өсөн документтар һаны 18-ҙән берәүгә – ниәт тураһында декларацияға тиклем кәметелде, тип өҫтәне. Проект буйынса ҡарар ҡабул итеү ваҡыты ла 30 көнгә тиклем ҡыҫҡартылған. Һуңғы ике йылда конкурс процедуралары булмаған өҫтөнлөклө инвестиция проекттары өсөн 86 ер участкаһы бирелгән.

Сығанаҡ: БР Хөкүмәте сайтынан.