“Башҡорт аты” ҡунаҡтары 200-ҙән ашыу кеше ҡатнашлығында тамаша ҡараясаҡ

Был турала фестивалдең мәҙәни программаһы директоры Сулпан Асҡарова хәбәр итә.

Тамаша 6 сентябрҙә Баймаҡ районының Граф күле янында “Башҡорт аты”н  асыу тантанаһында үтәсәк .

Постановканың үҙәгендә, әлбиттә, ат, уның һәр заманда кешегә хеҙмәт итеү тарихы һәм хатта нәҫел-нәсәбе, тамырҙары... мифологияға, легендар Аҡбуҙаттың ысынбарлығына тамырланған.

Шоуҙа Бөйөк Ватан һуғышы дәүерендәге "Урал-Батыр" эпосынан күренештәр күрһәтеләсәк. Иң күҙгә салынған күренештәрҙең береһе – боронғо башҡорт йолаһы буйынса яңы ғына аяҡҡа ышаныслы баҫып өйрәнгән бәпесте (йәш Салауат Юлаевтың прототибы!) ата-әсәһе атҡа ултыртып, ҡымыҙ һауыты биреүе.

Әйткәндәй, ижадсылар милли батыр тураһында төшөрөлгән тулы метражлы фильмдарҙың береһендә был күренеште ҡараған.

Режиссер Миәкә районының Илсеғол ауылынан 112-се Башҡорт дивизияһы һалдаттары менән Дондан алып Германияның Эльба йылғаһына тиклем йөрөгән ат тарихын да йәнләндергән.

Презентациялағы бөтә юлдарҙы ла бер төп тема берләштерә – аттың кешегә булған тоғролоғо һәм бирелгәнлеге, ул теләһә ниндәй ауырлыҡтарҙы еңеп сығыуҙа ярҙам итә алыуы.

Шоуға Өфө, Сибай, Баймаҡ һәм Учалы райондарының ижади төркөмдәренән 200-ҙән ашыу артист йәлеп ителгән. Унда шулай уҡ Түбәнге Новгородтан килгән джигитовка төркөмөн йәлеп итеү планлаштырыла.

Фото: "Башҡорт аты" төркөмөнән