Шәхси торлаҡ төҙөлөшөнөң бәләкәй ҡалалар үҫешенә йоғонтоһо тикшерелде

Сибай ҡалаһында үткән“Урал аръяғы -2025”  Бөтә Рәсәй инвестиция һабантуйы сиктәрендә «Бәләкәй ҡалаларҙы шәхси торлаҡ төҙөлөшө призмаһы аша үҫтереү» эксперт сессияһы үтте, унда төҙөлөш тармағынан алдынғы эксперттар, төбәк башлығы вәкилдәре йыйылды. Шулай уҡ архитекторҙар, төҙөлөш компаниялары вәкилдәре, инвесторҙар ҡатнашты.

Башҡортостан Республикаһы Хөкүмәте Премьер-министры Андрей Назаров сараны асып, бөгөн унда йәшәүселәрҙең ҡасаба ҡалыптары урбанизация, иҡтисади тенденциялар, технологик үҙгәрештәр һәм социаль өҫтөнлөктәр йоғонтоһонда формалашыуын билдәләне. Улар 2024 йылдың декабрендә яңы итерация алған киңлекте үҫтереүҙең стратегияһы менән көйләнә.

— Баланслы иҫәп-хисап системаһын формалаштырыуға баҫым яһала. 40-ҡа яҡын агломерациянан 2 меңдән ашыу нығытмаға йүнәлеште күсереү – заманса геосәйәси проблемаларға тейешлерәк яуап, — тине Андрей Назаров.

2021 йылғы халыҡ иҫәбен алыу мәғлүмәттәре буйынса, Рәсәйҙә 155 мең самаһы тораҡ пункт иҫәпләнә, шул иҫәптән 1118 ҡала һәм 1179 ҡала тибындағы тораҡ пункт. Төбәк министрҙар кабинеты етәксеһе илдең ҙурлығын иҫәпкә алғанда, бәләкәй ҡалаларҙы үҫтереү өҫтөнлөклө бурыс булыуын һыҙыҡ өҫтөнә алды.

— Иң мөһиме - уларҙың тотороҡло үҫешен, шул иҫәптән демографик үҫеште тәьмин итеү. Был ҡатмарлы һәм күп факторлы процесс, - тип билдәләне Андрей Назаров.

Фото: Башҡортостан Хөкүмәте сайтынан