Уртаҡ эштәр – уртаҡ маҡсаттар

Дүшәмбе ҡалаһында Башҡортостан Башлығы Радий Хәбиров Тажикстан Хөкүмәте ҡарамағындағы Дәүләт матди резервтар буйынса агентлыҡ директоры Нурмәхмәд Әхмәтзода менән осрашты.

Осрашыу ваҡытында иҡтисади хеҙмәттәшлекте нығытыу һәм Башҡортостан менән Тажикстан араһында үҙ-ара бәйләнештәрҙе киңәйтеү мәсьәләләре ҡаралды. Айырыуса уртаҡ проекттарҙы үҫтереүгә иғтибар бүленде, шул иҫәптән Рәсәй-Тажикстан индустриаль технопаркын төҙөү тураһында һөйләшеү булды.

 – Сәфәр барышында беҙ бер нисә эшлекле осрашыу ойошторҙоҡ, сәнәғәт һәм инвестиция бәйләнештәре буйынса ла фекер алыштыҡ, – тине Башҡортостан Башлығы Радий Хәбиров. – Башҡортостан менән Тажикстанды эшлекле бәйләнештәр һәм партнерлыҡты үҫтереүгә ҡыҙыҡһыныу бәйләй.

Шулай уҡ осрашыуҙа ауыл хужалығы тармағы, теплицалар төҙөү һәм биләмәләрҙе йәшелләндереү буйынса берлектәге проекттарҙы үҫтереү кеүек темалар тураһында һөйләштеләр.

Фото: Башҡортостан Башлығы сайтынан.