Араҡы етештереү артты

“Башспирт” акционерҙар йәмғиәте быйылғы туғыҙ айҙа 3,8 миллион декалитр араҡы етештергән, был үткән йылдың шул уҡ осоро менән сағыштырғанда алты процентҡа күберәк.

Ә спирт етештереү ете процентҡа, ликер-араҡы эсемлектәре етештереү 38 процентҡа артҡан.

Шул уҡ ваҡытта Рәсәйҙә был тармаҡта күрһәткестең кәмеүе күҙәтелә – ғинуар-сентябрҙә спирт етештереү былтырғы шул уҡ осор менән сағыштырғанда –10, араҡы етештереү алты процентҡа аҙайған. Ошо туғыҙ айҙа Рәсәйҙә араҡы һатыу – өс процентҡа, Башҡортостанда ете процентҡа кәмегән.

Акционерҙар йәмғиәте белгестәре әйтеүенсә, “Башспирт” продукцияһы илдең 89 төбәгенә оҙатыла, шуларҙың етәүһендә алкоголле эсемлектәр һатыуҙың кәмеүе күҙәтелә.

Фото: социаль селтәрҙән.