Бензинға хаҡ артҡан

Уҙған ял һәм байрам көндәрендә “Башнефть” компанияһының яғыулыҡ ҡойоу станцияларында бензинға хаҡ күтәрелде.

Уртаса алғанда, бөтә марка яғыулыҡ хаҡы 30-ар тингә артты.  Шулай итеп, АИ-92 маркалы бензиндың литры хәҙер 60 һум 55 тин, АИ-92 ATUM – 61 һум 90 тин, АИ-95 – 64 һум 55 тин. АИ-95 ATUM – 65 һум 80 тин,  АИ-100  86 һум 65 тин тора. Дизель яғыулығы элеккесә ҡалған  – 74 һум 60 тин.

“Russiabase.ru” сайты мәғлүмәттәренә ҡарағанда, “Лукойл” компанияһы станцияларында ла хаҡтар артҡан: АИ-92 –  60 һум 55 тин, АИ-92 ATUM — 61 һум 90 тин, АИ-95 — 64 һум 55 тин; АИ-95 ATUM — 65 һум 80 тин, АИ-100 — 86 һум 65 тин тора. Дизель яғыулығы ике тингә кәмегән һәм литры  – 74 һум 60 тин.

Өфөләге яғыулыҡ ҡойоу станцияларында быға саҡлы хаҡтар 4 февралдә күтәрелгәйне.

Фото: социаль селтәрҙән.