Башлыҡ федераль юлдарҙағы хәлде “башбаштаҡлыҡ” тип атаны

Бөгөн Хөкүмәттең оператив кәңәшмәһендә Башҡортостан Башлығы Радий Хәбиров ошо ял көндәрендә Өфө, муниципалитеттар һәм федераль трассалар биләмәләрендә контроль идаралығының эше буйынса отчет менән таныштырҙы.

– Республиканың контроль идаралығы был аҙна аҙағында яҡшы эшләне. Миндә Өфө, федераль трассалар һәм муниципаль юлдар буйынса отчет бар. Любовь Викторовна (Минакова – редакция), трассалар буйынса эште һеҙгә тапшырам. Башбаштаҡлыҡ. Федераль юлдарҙы хеҙмәтләндереүселәрҙе, зинһар, ҡыбырлатығыҙ. Бик күп сүп-сар йыйылмаған әле. Хәлде төҙәтергә аҙна аҙағынаса ваҡыт бирәбеҙ, - тине Радий Хәбиров, республика Транспорт һәм Торлаҡ-коммуналь хужалыҡ министрлыҡтарына мөрәжәғәт итеп.

Шул уҡ ваҡытта төбәк етәксеһе Ишембай һәм Салауат башлыҡтарына ҡалаларҙағы таҙалыҡ өсөн рәхмәт әйтте.

Фото: Розалия Хисаева.

Беҙҙең МАХ каналына https://max.ru/gazetabashkortostan ҡушылығыҙ!