Яһалма зиһендең ярҙамы ҙур

Эшҡыуарҙарға ярҙам йөҙөнән Башҡортостан микрокредит компанияһы үҙенең рәсми сайтында яһалма зиһен менән чат-бот урынлаштырҙы.

– Өр-яңы чат-ботты урынлаштырыу һанлы трансформацияға йөҙ борған республикабыҙҙың курсына тура килә, – тине Башҡортостан эшҡыуарлыҡ һәм туризм министры Светлана Верещагина. – Ул Башҡортостан Башлығы Радий Хәбиров тарафынан раҫланған. Ошо стратегия сиктәрендә ведомстволарға яһалма зиһенде индереү йүнәлешен билдәләргә һәм һанлы трансформация программаһын индерергә ҡушылды.

Башҡортостан микрокредит компанияһы директоры Олег Могильников әйтеүенсә, чат-бот эшҡыуарҙарҙы тәүлек әйләнәһенә ярҙамынан өҙмәй.

Фото: Башҡортостан Хөкүмәте сайтынан.