+17 °С
Ямғыр
Иҡтисад
14 Июль , 18:15
Республикала 1,3 мең иретеп йәбештереүсе талап ителә
Иретеп йәбештереүселәргә ихтыяж тотороҡло юғары, айырыуса төҙөлөш миҙгелендә, тип хәбәр иттеләр Ғаилә, хеҙмәт һәм халыҡты социаль яҡлау министрлығынан.
Республикала 1,3 мең иретеп йәбештереүсе талап ителә
Дөйөм алғанда, бөгөн эшселәргә ихтыяж 31 мең кеше тәшкил итә. Шуларҙың 1,3 меңе иретеп йәбештереүселәргә тура килә. Был перспективалы һөнәрҙе «Кадрҙар» милли проекты сиктәрендә бушлай үҙләштерергә мөмкин.
Ғаилә, хеҙмәт һәм халыҡты социаль яҡлау министрының беренсе урынбаҫары Юрий Мельников «Чиновник һөнәрен алмаштыра» акцияһында сиктәрендә иретеп йәбештереүсе ролендә ҡатнашып, үҙ көсөн һынап ҡараны.
— Иретеп йәбештереүсе - ғаиләбеҙ һөнәрҙәренең береһе. Атайым Михаил Мельников Нөгөш һыуһаҡлағысын төҙөүселәр араһында була. Слесарь уҡыусыһы, киске мәктәптә уҡый, механизацияланған эштәр идаралығының иң яҡшы иретеп йәбештереүсеһе була. Был утлы һөнәрҙең романтикаһы миңә яҡын. Оҫта улы булараҡ, йәштәрҙең был иҫ киткес һөнәргә ҡыҙыҡһыныуын тергеҙеү миңә бик оҡшай. Быны «Һөнәре буйынса иң яҡшыһы» Бөтә Рәсәй конкурсының төбәк этабында «Иң яҡшы иретеп йәбештереүсе» номинацияһында ҡатнашыусыларҙың күп булыуы ла раҫлай, — тип билдәләне Юрий Мельников.
Дөйөм алғанда, хеҙмәт баҙарында хәҙер квалификациялы эшселәргә ихтыяж өҫтөнлөк итә - был бөтә тәҡдимдәрҙең 70 проценты, тип асыҡлыҡ индерҙеләр ведомствола.
Альберт Заһиров фотоһы.
